Home / Pashto News / سپریم کورټ د نقيب مسيد د وژنې په مقدمه کې تورن پوليس افسر راؤ انوار حفاظتي ضمانت منظور کړې

سپریم کورټ د نقيب مسيد د وژنې په مقدمه کې تورن پوليس افسر راؤ انوار حفاظتي ضمانت منظور کړې

RAO ANWAR SSP

د پاکستان سترې محکمې د نقيب الله مسيد د وژنې په مقدمه کې تورن معطل کړی شوي پوليس افسر راؤ انوار حفاظتي ضمانت منظور کړی او ويلي يې دي هغه دې د نيولوپرته په ۱۶م فرورۍ د جمعې په ورځ عدالت ته حاضر شي.

راؤ انوار د جنورۍ په ۱۳م نېټه د نقيب الله مسيد او هغه سره درېو نورو تنو په مقابله کې د ترهګرو وژلو ادعا کړې او وروستو بیا په خپله د پوليس يوې لوړ پوړې ډلې دغه مقابلې ته جعلي ويلي ؤ.

وروستو د نقيب مسيد د وژنې پرضد د احتجاجي مظاهرو پېل کېدو پس سترې محکمې په دې پېښه خپل ځاني نوټس اخستی ؤ.

په ۲۳م جنورۍ د راؤ انوار او هغه سره په پوليس ډله د نقيب مسيد د وژنې مقدمه د کراچۍ په سچل تاڼه کې د نقيب د پلار محمدخان په مدعيت کې درج شوې خو راؤ انوار تراوسه پورې پټ دی.

نن د سترې محکمې مشر قاضي ثاقب نثار په مشرۍ د درې کسيزه ججانو بنچ د يادې مقدمې اورېدنه کړې او د سندهـ صوبې د پوليس مشر(ايي جي پي) الله ډنو خواجه عدالت ته د راؤانوار په اړوند تفصيل ويلی دی.

عدالت پوليس ته لارښوونه کړې چې راؤ انوار دې عدالت حاضر کړی شي ودې نه نيول شي.

د سترې محکمې مشر قاضي د اورېدنې په مهال د راؤ انوار يو خط اورولی چې د سترې محکمې د بشري حقونو څانګې ته يې لېږلی او د پولیس مشر ویلي ښکاري په خط لاسليک د راؤ انوار دی.

مشر قاضي ويلي څنګه چې انصاف د مظلوم حق دی دغه رنګ ظالم ته هم دا حق ترلاسه دی.

په ياد خط کې راؤ انوار عدالت ته ويلي چې هغه بې ګناه دی او د استخباراتي ادارو د افسرانو د يوې کمېټۍ جوړولو غوښتنه يې کړې چې د سندهـ صوبې د پوليسو نه علاوه نور پوليس دې هم په دې کې شامل وي دا کميټې دې بيرته بيا د پېښې پلټنې وکړي.

عدالت د نوې کمېټۍ جوړولو امر کړی او معطل پوليس افسر ته یې د جمعې په ورځ د حاضرېدو حکم کړی دی.

د نقيب مسید د وژنې د مقابلې د پلټنو دپاره په کراچۍ کې د پوليس د درېو لوړ پوړو افسرانو ګډې کمېټۍ په خپل راپور کې ويلي ؤ چې راؤ انوار دا جعلي مقابله کړې او نقيب الله یې بې ګناه وژلی او دې يې ته د عدالت پرته وژنه ويلي ؤ.

د نقيب الله مسيد د وژنې پرضد ټول ملک کې احتجاجي مظاهرې شوي او د راؤ انوار د نيولو او هغه ته د قانون ترمخه سزا ورکولو غوښتنې شوې وې.

په اسلام اباد کې لس ورځني پښتون لاريون هم په خپلو پينځه ؤ غوښتنو کې په سر کې د راؤ انوار د نيولو هغه ته د سزا ورکولو او نقيب الله مسيد ته د انصاف ورکولو خبره شامل وه.

ياد لاريون د وزیراعظم، استخباراتي ادارې ايي اېس ايي د مشر او پوځ د باور چې غوښتنې يې مني له هغې وروستو ځنډول شوی چې د وزیراعظم مشير اميرمقام ورته د غوښتنو منلو ليکل ورکړي وو.

خو د ياد لاريون مشرانو ګواښ کړی که په غوښتنو يې په يوه میاشت کې عمل ونشو بيا به په ټول ملک کې لاریون کوي او اسلام اباد ته به ځي.

About The Pashtun Times

Leave a Reply

Your email address will not be published. Required fields are marked *

*

x

Check Also

کابل: دوه ځانمرګو بريدونو کې د ای اېف پي د عکاس په ګډون ۲۱ تنه وژل شوي

د افغانستان د پلازمينې کابل په شش درک سيمه کې په دوه ...