افغانان نه غواړي دوست دښمن وپیژني/امیرخان منګل

امیر خان منګل

امیر خان منګل

افغانان يو داسی ملت ده نه غواړي چې دوست او دوښمن وپيژني په دې ديرشو کالو کې افغانانو هيڅ تجربه حاصله نه کړه خپلو همسايه هيوادونو او نورې نړې ته يې دا ثابته کړه چې تاسو کولای شی مونږ هر وخت استعمال کړی کله چې روسيه په افغانستان کې وه د کمونيست ريژيم د پرزولو د پاره امريکا اسلامي ګوندونه لکه حزب اسلامي او طالبان استعمال کړل د همدی اسلامي تنظیمونو په وسیله یی د عوامو ذهنونه خراب کړل روسان یی ورته کافران او اشغالګر معرفي کول د جهادیانو تبلیغاتو خلک دومره متاثره کړل حتا خلک د هجرت په بهانه هیواد پریښودلو ته مجبور شول د پاکستان په منګولو کی ولویدل خپلی د ترهګری مدرسی یی په افغانانو ‌‌‌‌‌‌ډکی کړې د روسيی په وخت کې هغه افغانان چی د خلقیانو پرچمیانو په نوم د کمونیستی ریژیم لاندی وو فکر یی کاو چی ګواکی دا نظام به هيڅ وخت له منځه ولاړ نشي خو روسيی خپله د دولت په منځ کې د خلقي او پرچمي په بيلولو او جنګولو شروع وکړه اخر انجام يې دا شو چې امريکا او روسيی په ګډه د افغانستان کمونيستي نظام د مجاهدينو په لاس له منځه يوړو نن ګورو چې طالبان چا راجوړ کړي وو او اوس د چا په استعمال کی ولويدل ؟ روسيه اوس غواړي چی په افغانستان کی د امریکا ایستلو لپاره همدا طالبان او نوری جهادي ‌‌‌‌‌‌ډلی وجنګوي. افغانان اوس هم نه پوهيږي همدا ‌‌‌‌‌‌ډلی او تنظیمونه ورته د هیواد او دین ساتونکي ښکاري افغانستان ته د امريکا راتلو کې پاکستان پوره مرسته وکړه او نن د طالبانو استعمال د پاره روسيه د پاکستان سره لاس يو کړو لنډه دا چې په دې پنځلسو کالو کې هم افغانان خپلو تیروتنو ته متوجې نشول. نه يې د خپل دولت او نه يې د امريکا ملاتړ وکړ. د همدې ناپوهيو لامل به دا وي چې ورځ تر بلې به افغانان بدبخته او شاته پاتی کیږي

دی پشتون ټائمز

Leave a Reply

Your email address will not be published. Required fields are marked *

*